കേരളത്തിൽ കൊല്ലം ജില്ലയിലെ ചന്ദനത്തോപ്പിൽ സ്ഥിതിചെയ്യുന്ന ഒരു തീവണ്ടി നിലയമാണ് ചന്ദനത്തോപ്പ് തീവണ്ടി നിലയം അഥവാ ചന്ദനത്തോപ്പ് റെയിൽവേ സ്റ്റേഷൻ. 'എഫ് ക്ലാസ്' നിലവാരമുള്ള ഈ തീവണ്ടിനിലയം കൊല്ലം - ചെങ്കോട്ട തീവണ്ടിപ്പാതയിൽ കിളികൊല്ലൂർ തീവണ്ടിനിലയത്തെ കുണ്ടറ തീവണ്ടിനിലയവുമായി ബന്ധിപ്പിക്കുന്നു. ദക്ഷിണ റെയിൽവേക്കു കീഴിലുള്ള മധുര റെയിൽവേ ഡിവിഷനാണ് ഇവിടുത്തെ ഭരണച്ചുമതല നിർവ്വഹിക്കുന്നത്. കൊല്ലം ജില്ലയിലെ 25 റെയിൽവേസ്റ്റേഷനുകളിലൊന്നാണ് ചന്ദനത്തോപ്പിൽ സ്ഥിതിചെയ്യുന്നത്. കൊല്ലം - പുനലൂർ - കൊല്ലം, പുനലൂർ - മധുര - പുനലൂർ പാസഞ്ചറുകൾക്ക് ഇവിടെ സ്റ്റോപ്പ് അനുവദിച്ചിട്ടുണ്ട്.